Секоја голема династија има проклетство. Во политиката, тоа е Кенеди, а во монархиите, тоа се Грималди – жртви на несреќни бракови и прерана смрт во текот на неколку генерации.
Грималдиеви се поврзани со трагедија повеќе од кое било друго кралско семејство во Европа. Најславниот член на семејството, принцезата Грејс, почина во мистериозни околности кога нејзиниот автомобил излета од патот, што резултираше со крвавење во мозокот.
Нејзината најстара ќерка, принцезата Каролина, најпрво беше во брак со Филип Жунот две години, пред да стане рана вдовица кога нејзиниот сопруг италијански бизнисмен Стефано Касираги настрада на возраст од 30 години во незгода со брод. Денес е разделена од нејзиниот трет сопруг, принцот Ернст-Август од Хановер.
Принцот Алберт Втори, сегашен владетел на Монако, сега е во брак со принцезата Шарлин, но за време на неговите години како плејбој ерген, тој беше предмет на бројни шпекулации за вонбрачни деца.
Принцезата Стефани, најмладата од потомството на принцезата Грејс и принцот Рение Трети, имаше многу бурни врски, од шокантната венчавка со нејзиниот телохранител Даниел Дукруе, која траеше само една година, до нејзиниот втор кус брак со португалскиот акробат Аданс Лопез Перес.
Сето тоа ги натера многумина да се прашуваат дали има вистина во приказните за „проклетството на Грималди“.
Како и со сите митови и легенди, постојат повеќе приказни за потеклото на таканаречената семејна клетва. Во една приказна што потсетува на бајка се вели дека принцот Рение Први киднапирал Фламанка во 13 век, која се одмаздила фрлајќи клетва на него и неговите потомци. Поконкретно, за неа се вели дека му рекла: „Никогаш ниеден Грималди нема да најде среќа во брак.“
Друга верзија на приказната вели дека вештерка која била ставена на клада ги изговорила тие зборови. Во секој случај, ваквите приказни привлекоа големо внимание по прераната смрт на Грејс Кели во 1982 година.
Семејството нема среќа во љубовта веќе неколку генерации.
Грималдиеви се кралско семејство на Монако уште од 15 век, поточно од 1419 година.
