Рускиот тенисер Данил Медведев (25) утре во 09.30 часот по средноевропско време ќе игра финале на Австралија опен против првиот светски рекет во моментов, Новак Ѓоковиќ (33). Србинот до сега има рекордни 8 титули на грен слемот во Мелбурн.
Медведев ќе биде сериозна закана за Ѓоковиќ затоа што рускиот ас триумфираше на 3 од последните 4 нивни меѓусебни дуели. Покрај одличните партии против Србинот, младиот Русин има низа од 20 победи, а таа серија започна по поразот од Кевин Андерсон на 30 октомври 2020 година.
Финалниот меч во Мелбурн има поголемо значење за Ѓоковиќ кој досега во кариерата има 17 титули на грен слем турнирите, па ита по учинокот на Федерер и Надал кои досега имаат по 20.
Сепак, се очекува Медведев да биде сериозен испит за Ѓоковиќ иако ова за него ќе е само второ големо финале на најголемите турнири. Во 2019-та на САД опен загуби во финалето од Рафаел Надал.
Русинот моментно е петти на АТП листата, а зад себе има седум титули од турнирите, и сите ги освоил од 2018 година до денес.
Во 2019 година првпат влезе во светската тениска 10-ка.
Иако е висок 198 сантиметри, одлично се движи на теренот и прави мал број грешки.
Како тинејџер се преселил во француски Кан, а сега живее во Монте Карло.
Голем љубител е на .игри, посебно на „ФИФА“, но не игра додека траат турнирите.
> Кој е младиот Русин кој сака да му ја земе круната на Ѓоковиќ во Мелбурн? <
