Кичево, 20 март 2020 (МИА) – Општина Кичево со внимателност ја следи состојбата во земјава со коронавирусот и во овој поглед има формирано Координативно тело кое постојано ќе ја следи состојбата и ќе ги преземе сите мерки што ги препорачува Владата на РСМ. Надлежните институции се подготвени и работат на терен за да се спречи проширувањето на вирусната епидемија во нашиот град.
На седницата на Координативното тело со која претседаваше градоначалникот на Општина Кичево Фатмир Дехари , се апелира до граѓаните на Кичево да ги почитуваат препораките и заклучоците на координативното тело.
За справување со вонредната состојба прогласена по пандемијата со коронавирусот , во целост да се почитуваат одлуките, насоките и препораките на надлежните институции и органи, во однос на постапување и преземање мерки за спречување на инфекцијата со корона вирусот, беше заклучено.
Во целост да се подржуваат и применат мерките за лична и колективна хигиена како во домашни услови така и во работните простории на институциите , веднаш да се преземат активности за дезинфекција на училиштата, работните простории на институциите и јавните површини на Општина Кичево.
-Апел до месното население да не се паничи и во целост да ги почитува мерките и да се придржува кон нив. Лицата кои се во карантин во целост да ги почитуваат правилата и да не излегуваат на отворено и ги загрозат и другите лица со можно ширење на заразата, се вели во заклучоците.
Во сабота се воведува забрана за работа на зелениот и сточниот пазар , со цел да нема масовни пазарења поради избегнување на можното ширење на коронавирусот. Во текот на наредните денови се забранува групното движење во спортскиот терен во Крушино. рз/ац/
