Скопје, 7 мај 2020 (МИА) – Конференција „Зелена економија за излез од корона кризата“ ќе се одржи денеска онлајн на е-платформата Зум во организација на Зелениот институт и Демократската обнова за Македонија со поддршка на фоднацијата „Биро де Хелинг“ од Холандија.
На конференција ќе се дебатира за тоа кои се преспективите за економскиот развој на македонското општество по корона кризата и како државните и локалните институции ќе овозможат отворање зелени работни места.
Целта е низ дебата да се дојде до заклучоци за потребните мерки за институционална поддршка на „озеленувањето“ на економијата од аспект на заштитата на животната средина и здравјето на граѓаните.
– Истовремено, корона кризата наметна потреба и за редизајнирање на работните стандарди и прифаќање нова култура на живеење и работење, од аспект на заштита на здравјето на вработените, велат организаторите.
Поканети се експерти од областа на животната средина, претставници на институции и граѓански организации и еко-активисти. бак/ев/
