Педесет и осумгодишен маж е тешко повреден откако со комбе удрил во метална заштитна ограда на патот Битола-Ресен, пред местото викано „Ротинска крстосница“.
„ На 30.11.2021 во СВР Битола било пријавено дека на патот А-3 Битола-Ресен, пред место викано „Ротинска крстосница“, товарно возило „мерцедес спринтер“, со охридски регистарски ознаки, управувано од Б.Т.(58) од с.Загорчани, струшко, удрило во метална заштитна ограда.
Во несреќата со тешки телесни повреди се здобил возачот, констатирани во Клиничка болница Битола. Увидот го извршила увидната екипа на СВР Битола“ соопшти МВР.
