Вршителот на должноста командант на Азовскиот полк, чии заробени членови беа убиени вчера во во напад за кој меѓусебно се обвинуваат Русија и Украина, се обрати до јавноста.
Азов на својот канал Телеграм ја објави изјавата на неговиот в.д. командант, мајор Микита Надточи, за „масовното убиство на украинските воени затвореници во селото Оленивка во привремено окупираната територија на регионот Доњецк“.
„Нападот во Оленивка го сметаме за чин на јавна егзекуција. Русија го изврши затоа што знае дека никој нема да ја казни. Навикнавме на тоа дека никој не понесува одговорност дури ни за кршење на законите, правилата и обичаите на војната. Затоа ние, Азов, Украина како земја и целиот цивилизиран свет ќе се бориме Русија да го запамети ова еднаш засекогаш“, рече командантот на Азов.
„Веќе ги откриваме имињата на џелатите и организаторите на егзекуцијата на воените заробеници. Веќе имаме прелиминарни информации, но се уште не сме подготвени да ги објавиме деталите. Ќе ги најдеме каде и да се – во окупираните делови на Украина, во Русија или во трета земја. Украина како држава ќе обезбеди правично судење и казнување“, порача Надточи.