Кичево,13 февруари 2020 (МИА) – Хуманитарната организација „Класје на добрината” ќе почнат со распределување на инвалидски колички за лица со посебни потреби во Кичево.
Количките се донација од кичевчани, но и други хумани луѓе кои работат во градот Регенсдорф од Швајцарија, од каде пристигнале 21, за помош на лицата на кои им се потребни.
– Носевме колички за здравствените амбуланти во Зајас и во Осломеј, додека пак другите инвалидски колички ќе се донираат на луѓе кои се со посебни потреби, а немале можност да ги набават и истите се обратиле до нашите простории во Кичево. Ние и во наредните денови ќе продолжиме со распределба на количките, се додека не ги потрошиме сите пристигнати количини до нашата хуманитарна организација, истакна Мухамед Мехмеди од „Класен на добрината” во Кичево .
Тој изрази благодарност до сите донатори кои помогнале во донирањето на овие помошни помагала за лицата со посебни потреби.рз/фф/
