Кијану Ривс ќе дебитира на стрипот БРЗРКР, кој ќе го објави издавачката куќа „БУМ! Студиос“. Покрај холивудскиот актер, во проектот ќе бидат вклучени и писателот Мет Кинт (Фолклордс, Бенг!) и славниот уметник Алесандро Вити, пишува „Стрип блог“.
Стрипот БРЗРКР ќе ја претстави приказната за бесмртниот воин, кој бара одговори во врска со неговото постоење. Мини серијата ќе има 12 изданија и поради содржината на брутално насилство, таа ќе биде наменета исклучиво за постарата публика.
View this post on InstagramWe’re thrilled to announce BRZRKR, a twelve-issue series from the iconic Keanu Reeves in his Must Read comic book writing debut alongside co-writer @matt.kindt.for.real & artist @alessandro_vitti! @usatoday has the exclusive details. Click the link in our bio or visit bit.ly/BRZRKRusatoday Covers by @markbrooksart & @rafael_grampa #BRZRKR #KeanuReeves #Comics
Човекот познат како Берзеркер е получовек и полубог, проколнат и присилен на насилен живот, што му штети на неговиот разум. По скитањето низ светот со векови, Берзеркер ќе најде прибежиште работејќи за американската влада борејќи се во битки толку опасни и толку насилни што се премногу опасни за некој друг.
Тој се надева дека во замена за својата служба, ќе ја добие вистината за своето бесконечно постоење потопено во крв и за начинот како да го запре тоа.
Првиот број на стрипот BRZRKR ќе биде достапен на почетокот на октомври 2020 година. Насловната за првиот број ќе ја направи познатиот стрип-цртач Рафаел Грампа.
