Кина пријави 17 нови случаи на Ковид-19, додека претходниот ден имало 9, објави Националната здравствена комисија.
Сите нови случаи на инфекција се потврдени кај патници од странство, така што Кина го забележа 15. ден без локално пренесени случаи на инфекција, јавува „Ројтерс“.
Бројот на пријавени асимптоматични случаи е 19, додека претходниот ден имало четири.
Во Кина потврдени се 85.048 случаи на коронавирус од почетокот на пандемијата, а починале 4.634 лица.
