Италијанските власти започнаа истрага откако единственото преживеано момче од несреќата со жичарата во Италија во мај, е однесено во Израел, пишуваат медиумте во светот.
Родителите на момчето, неговиот помлад брат и неговите баба и дедо беа меѓу 14 -те лица загинати во несреќата.
Шестгодишното дете, по излегувањето од болница, престојувало кај роднините од страната на неговиот татко. Неговите роднини од Израел побарале старателство.
Семејството на момчето живеело во Италија неколку години пред несреќата, а роднините од страната на неговиот татко добиле старателство во јуни.
Во саботата, сепак, момчето било однесено од земјата. Го однел неговиот дедо, таткото на неговата мајка, кој се преселил во Италија по несреќата. На приватен лет, тој го извадил детето од земјата користејќи израелски детски пасош што го поседувало шестгодишното момче. Израелските дипломати потврдија дека момчето дошло во земјата.
Роднините од страната на мајката тврдат дека момчето било држено како да е заложник.
Гали Пелег, тетка на момчето, побарала негово посвојување во август, тврдејќи дека е заложник во Италија.
“Не го киднапиравме Еитан. Го донесовме дома”, изјави таа за израелското радио. Таа додала дека неговите родители планирале да се вратат да живеат во Израел пред несреќата.
Неговата тетка од Италија, онаа што се грижела за него досега и на која и е дадено старателство, вели дека ова е уште една трагедија и траума за детето.
Во несреќата во мај загинаа 14 лица. Несреќата се случила откако главниот кабел се расипал и кабината паднала од голема височина.
