Утрински Весник
Македонија

КЗБ: Државата се наоѓа во зелена зона со доволни капацитети за згрижување на пациентите

Комисијата за заразни болести, на денешниот состанок ја разгледала актуелната епидемиолошка состојба во земјата и констатирано е дека има зголемување на бројот на нови случаи со ковид. Согласно методологијата за одредување на ризикот од Ковид-19 се зема предвид и процентот на хоспитализирани случаи, процентот на слободни болнички кревети, како и бројот на тешко болни и смртни случаи од Ковид-19, утврдено е дека РСМ се наоѓа во зелена зона со доволни капацитети за згрижување на пациентите со Ковид-19.

dobivaj vesti na viber

Инаку, зголемувањето на бројот на нови случаи изнесува 79.9 отсто.

На состанокот било разгледано и прашањето за достапноста на тестовите за Ковид-19, при што Комисијата препорача двојно зголемување на капацитетите за тестирање на институциите кои се надлежни за тоа, како и следење на состојбата за евентуално овозможување дополнителни капацитети таму каде што е потребно.

„Комисијата во моментот не препорачува дополнителни рестриктивни мерки и апелира до граѓаните да внимаваат на сопственото здравје, да избегнуваат посети во затворени и невентилирани простории, освен кога тоа е неодложно и во тие случаи се препорачува носење заштитна маска и одржување дистанца“ се вели во соопштението од КЗБ.

Можете да прочитате

Додека пожарите беснеат, Мицкоски на партиска трибина во Куманово

Вајц до бугарска новинарка: Треба да се информирате и малку да промислите за тоа што го зборувате

Активиран Кризниот штаб во Аеродром, апел за внимателност