Европа нема да може да ја обезбеди својата целосна безбедност во наредните децении без помош на САД и НАТО, рече германската министерка за одбрана.
Во исто време, Анегрет Крамп-Каренбауер ја отфрли идејата на францускиот претседател Емануел Макрон за европска стратешка автономија.
„Идејата за стратешка автономија на Европа оди предалеку ако ја храни илузијата дека можеме да обезбедиме европска безбедност, стабилност и просперитет без НАТО и САД“, рече германската министерка за одбрана, објави „Ројтерс“.
Таа додаде дека ќе поминат децении пред Европа да создаде конвенционални и нуклеарни воени потенцијали кои можат да компензираат сè што обезбедуваат НАТО и САД во овој момент.
