Извршниот директор на Баерн Минхен, Оливер Кан, го сподели своето мислење за можниот трансфер на напаѓачот на Манчестер Јунајтед, Кристијано Роналдо, во баварскиот клуб.
„Навистина ми се допаѓа Роналдо, кој е фантастичен играч. Но, секој клуб има своја филозофија и не сум сигурен дека привлекувањето на Роналдо сега би било вистинскиот сигнал за Баерн и за целата Бундеслига. Таквиот потег не мора да се совпаѓа со нашите идеи“, изјави Кан за „Билд“.
37-годишниот напаѓач пропушти неколку тренинзи на Мначестер Јунајтед и исто така не отпатува со тимот за претсезонскиот тренинг камп во Тајланд. Португалецот минатата сезона одигра 37 натпревари за „црвените ѓаволи“ на кои постигна 24 гола и забележа три асистенции.
Неговиот договор со клубот истекува во летото 2023 година.