Официјалниот Твитер-профил на Министерството за здравство на Квебек, најголемата покраина во Канада, имаше екстра сообраќај во четвртокот наутро, откако беше споделен линк со несоодветна содржина.
Министерството на канадската покраина се извини откако случајно објавија линк до популарниот порно сајт PornHub наместо владина веб-страница со нови податоци за Ковид-19.
„На нашиот Твитер-профил е објавен линк со несоодветна содржина. Ги бараме причините. Се извинуваме за непријатностите“, соопшти министерството.
Линкот имаше за цел да ги доведе корисниците до владината веб-страница што содржи статистика за Ковид, но наместо тоа, ги испрати до видео 18+ на „Порнхаб“.
Контроверзниот линк беше објавен во четвртокот, а оние кои кликнаа на него ги пречека фетиш видео со фокус на стапала.
Твитот потоа беше избришан.
