Казна од 1.000 евра е предвидена за неносење маска во затворен простор во италијанскиот регион Кампанија.
Гувернерот ги заостри досегашните мерки по порастот на бројот на заболени од коронавирус.
Властите веќе наплатиле три казни од по 1.000 евра во три фирми во јужниот град Салерно. Меѓу нив се и еден бар и еден фризерски салон.
„Ако нашите сограѓани мислат дека проблемот е решен, значи дека за неколку недели ќе мора да ја вратиме вонредната состојба“, предупреди Винченцо де Лука, гувернерот на регионот Кампанија.
Со 5,8 милиони жители овој регион е вториот најнаселен во Италија.
