Кавадарци, 5 јуни 2020 (МИА) – Кавадаречките екологисти посадија дрвца пред канцелариите на невладините организации во Кавадарци. Еколошката акција беше во организација на регионалниот еко центар „Еко-живот“, а во чест на одбележувањето на 5 Јуни, Светски ден на животната средина. Беа посадени зимзелени дрвца „чемпреси“, обезбедени од јавното претпријатие „Национални шуми“.
– Ова е само една од бројните активности кои ги имаме преку целата година. Тие имаат за цел промовирање на екологијата како здрав начин на живот и подигнување на еколошката свест на повисоко ниво, рече Роберто Паризов, претседател на „Еко-живот“.
Тој најави и други проекти кои ќе ги спроведуваат во наредниот период, а во кои се вклучени еко активисти од сите генерации. свд/мс/
