Бројни фудбалски клубови во светот се простуваат од починатата аргентинска фудбалска ѕвезда, Диего Марадона. Тоа го стори и неговиот поранешен клуб, Барселона, клубот кој беше прва европска дестинација за Аргентинецот.
„Диего, никогаш нема да те заборавиме“ стои во објавата на Твитер.
Diego, we’ll never forget you. ?❤️
— FC Barcelona (@FCBarcelona) November 26, 2020
Марадона во Барса стигна по Светското првенство во 1982 година кое се играше токму во Шпанија. Во Каталонија се задржа две години, одигра 58 меча и постигна 38 гола.
Освен талентот, тој во Барселона покажа и склоност кон инциденти. Еден од најголемите беше токму во Барселона.
Учествуваше во неверојатна тепачка против играчите на Атлетик Билбао. Двете екипи, кои тогаш беа големи непријатели се состанаа во финалето на Купот на кралот во 1984 година. Во груб меч Атлетик славеше триумф со 1-0, но по последниот судиски свиреж настана хаос на теренот.
Марадона беше еден од главните протагонисти изведувајќи карате – удари:
> И Барса се прости од Марадона: Диего, никогаш нема да те заборавиме! <
