Утрински Весник
Свет

Истражување: Ризикот од нови проблеми со срцето по корона е многу поголем

Истражување: Ризикот од нови проблеми со срцето по корона е многу поголем

Долго по закрепнувањето од коронавирусот, луѓето се соочуваат со значително поголем ризик од нови проблеми со срцето, покажа големото американско истражување.

Истражувачите на американското Министерство за воени ветерани ги споредија стапките на нови кардиоваскуларни проблеми кај 153.760 луѓе заразени со коронавирус пред да бидат достапни вакцините со стапки кај 5,6 милиони луѓе кои не се заразиле со вирусот и уште 5,9 милиони луѓе собрани пред пандемијата.

Во просек една година по закрепнувањето од акутната фаза на инфекција, преживеаните од Ковид-19 имале 63 отсто поголем ризик од срцев удар, 69 отсто поголем ризик од проблематично неправилно чукање на срцето, 52 отсто поголем ризик од мозочен удар и 72 отсто поголем ризик од затајување на срцевите отчукувања и речиси три пати поголем ризик од потенцијално смртоносно згрутчување на крвта во белите дробови во споредба со другите две групи, се вели во извештајот објавен во понеделникот во списанието „Нејчр Медисин“.

Зголемените ризици кај луѓето кои се опоравуваат од Ковид-19 беа очигледни кај млади и стари, црнци и белци, мажи и жени, луѓе со и без дијабетес и со и без бубрежна болест, како и пушачи и непушачи, изјавил Зијад Ал-Али од Управата за здравствено осигурување на ветераните на Св. Луис и Универзитетот во Вашингтон во Св. Луис.

Можете да прочитате

Во Гвантанамо слета првиот авион со мигранти од САД

Американски медиуми: Најмалку 20.000 федерални работници ја прифатиле досега понудата на Трамп за заминување со отпремнина

Трамп ги ковертираше наредбите во случај да биде убиен