Техеран погуби поранешен вработен Министерството за одбрана под обвинение за шпионажа за ЦИА, изјави портпаролот на судството, Голамхосеин Есмаили, пренесува „Спутник“.
Пресудата против Реза Асгари, пензиониран од воздухопловниот оддел во Министерството, беше изречена минатата недела, рече Есмаили за новинската агенција Мизан , која покрива судски работи. Додека, наводно, работел за ЦИА, Асгари доставил информации за ирански ракети.
„Асгари добил големи суми пари од ЦИА по пензионирањето продавајќи им ги информациите што ги имал во врска со нашите проектили. Тој беше идентификуван и осуден на смрт“, рече Есмаили.
Смртната казна против Махмуд Мусави Маџд, обвинет за пренесување информации за убиенуит ирански командант Касем Солејмани, кој загина во американска воздушна напад во Ирак на 3 јануари, сè уште не е спроведена.
Во јуни, Иран соопшти дека друг наводен шпион, Џалал Хаџизавар, бил обесен во затворот во близина на Техеран. Во извештајот се вели дека Хаџизавар – исто така поранешен вработен во Министерството за одбрана – признал дека бил платен да шпионира за ЦИА.
Во извештајот се вели дека властите исто така конфискувале опрема за шпионажа од неговата резиденција. Во него се вели дека судот ја осудил и сопругата на Хаџизавар на 15 години затвор за улогата во шпионажата.
Иран во февруари му изрече слична казна за Амир Рахимпур, друг човек осуден за шпионажа за САД и заговор за продажба на информации за иранската нуклеарна програма.
Техеран во декември објави дека уапси осум лица „поврзани со ЦИА“ и вклучени во улични протести на национално ниво, што избувнаа претходниот месец поради изненадувачкото покачување на цената на бензинот.
Исто така, во јули 2019 година Техеран рече дека прекинал шпионски прстен на ЦИА и уапсил 17 осомничени меѓу март 2018 и март 2019 година и осуди на смрт некои од нив. Пред тоа, во 2016 година, Иран погуби нуклеарен научник осуден за шпионажа за САД.
