Утрински Весник
Македонија

Израел донира апарати за критични новороденчиња на Детската клиника

Израел донира апарати за критични новороденчиња на Детската клиника

Министерството за здравство информира дека денеска на Kлиниката за детски болeсти беше предадена донација од страна на амбасадата на Израел на иницијатива на амбасадорот Ден Ориан.

Донацијата се состои од перфузори (инфузиони пумпи) за правилно дозирање терапија и венвјуери за скенирање на вени кај критични новороденчиња. Со венвјуер апаратите за првпат ќе се врши одредување на пнеумоторакс односно зголемен воздушен притисок во бели дробови кај бебиња.

Овие апарaти ќе се монтираат во амбуланти возила за транспорт на критично болни деца, кои во државата треба да стигнат до крајот на 2021 година.

Денешната донација е дел од Перимак проектот на Проџект Хоуп кој има за цел да го организира неонаталниот транспорт во државата и да ја редуцира перинаталната смртност. Овој проект е имплементиран со поддршка на МЗ и започна во 2017 година.

Извор: makfax.mk

Можете да прочитате

Инженерската институција на Македонија го прогласи 21 март за Ден на македонските инженери

ДУИ: Четири години од потпишувањето на Законот за употреба на јазиците

ВМРО-ДПМНЕ: Судскиот совет не е приватен дуќан на кадрите на Заев и Груби – разрешените членови мора да заминат