Утрински Весник
Свет

Израел бомбардираше позиции на Хамас во Газа

Израел бомбардираше позиции на Хамас во Газа

Израелската војска изведе воздушни напади врз 10 позиции на Хамас во Појасот Газа, кој е под израелска блокада, пренесува „Анадолија“.

Според соопштението на израелската војска објавено на профилот на Твитер, 10 позиции на Хамас во Газа, меѓу кои и фабрика каде што се произведувале експлозиви и воени материјали, се нападнати со воени авиони.

Во соопштението се истакнува дека нападите се извршени како одговор на ракетниот напад од Газа кон Израел. Израелската армија соопшти дека утрово кога биле гаѓани позициите на Хамас, од Газа кон Израел биле истрелани 13 ракети, а 8 од нив биле неутрализирани.

Очевидци изјавија дека израелските воени авиони ги погодиле позициите на бригадите „Изедин ал-Касам“, военото крило на палестинската група Исламски џихад, на северот и југот на Газа.

Не се дадени информации за евентуални жртви или повредени во нападите.

Извор: makfax.mk

Можете да прочитате

Масовен протест во Будимпешта: Над 50.000 граѓани против Орбан

Трамп потпиша уредба за кратење на буџетот на „Гласот на Америка“ и шест други агенции

Германија објави нацрт-закон за нов финансиски пакет од 500 милијарди евра