Израелскиот премиер Јаир Лапид изјави денеска во врска со можното затворање на Еврејската агенција во Русија дека тоа може сериозно да се одрази на односите меѓу двете земји.
На меѓуресорска средба на која присуствуваа претставници на бројни израелски министерства и агенции, Лапид ја истакна важноста на односите со Русија за Израел, пренесува ТАСС.
„Премиерот Лапид на средбата рече дека врските со Русија се важни за Израел. Еврејската заедница во Русија е голема и важна и се споменува во секој разговор со администрацијата во Москва. Затворањето на канцеларијата на Еврејската агенција би било сериозен настан , што би имало последици по тие врски“, соопштуваат од кабинетот на Лапид.