Израелскиот министер за одбрана Бени Ганц објави дека ќе се изолира затоа што бил загрижен поради неодамнешниот контакт со лице заразено со коронавирус.
Ганц, кој е и алтернативен премиер на Израел, рече дека се чувствува добро, но дека ќе биде изолиран заради чувството на одговорност, пренесува АП.
Тој додаде дека ќе работи од дома сè додека не ги добие резултатите од тестот за коронавирус и додека не заврши епидемиолошката истрага.
Ганц го кажа тоа во време кога Израел се бори со нов бран на инфекции.
Израелската влада оваа недела повторно воведе низа реструкции за да се спречи ширењето на коронавирусот.
Беше решено да се ограничат собирите и да се нареди повторно затворање на салите за прием, рестораните, баровите, театрите, фитнес-центрите и базените.
Во Израел, 32.714 луѓе се заразени со коронавирусот, додека 343 лица починале, според „Ворлдметерс“.
