Кичево,9 мај 2020 (МИА) – Јавното комунално претпријатие „Комуналец“ од Кичево, изврши чистење и дезинфекција на Зелениот пазар како дел од мерките за превенција од ширење на коронавирусот по што зелениот, но и сточниот пазар почнаа со редовна работа.
-ЈКП „Комуналец“ презема мерки за превенција од ширење на вирусот. Во текот на вчерашниот ден извршено е перење на Зелениот пазар и спроведена е целосна дезинфекција од страна на овластени стручни служби, изјави раководителот на Зелениот пазар Арифи Алими при ЈКП „Комумалец” од Кичево.
Тој посочи дека од денеска покрај зелениот пазар и сточниот пазар почна со нормална работа и тоа на вообичаен пазарен ден сабота како што е со години во Кичево. Пазарот ќе се работи целодневно, односно до 19 часот, за разлика од претходната сабота кога се работеше само до 14 часот, поради забраната за движење. рз/вј/
