Бури, поплави и други екстремни временски и климатски настани предизвикаа околу 500 милијарди евра економска штета во Европа од 1980 до 2020 година, се вели во извештајот на Европската агенција за животна средина (ЕЕА).
Во 32-те земји од Европската економска област, која ги опфаќа Швајцарија, Норвешка, Исланд, Лихтенштајн и Турција, вкупната штета се движи од 450 до 520 милијарди евра, според анализата на ЕЕА.
Само околу една четвртина од вкупните загуби се покриени.
Германија, најнаселената земја-членка на ЕУ, пријави најголема вкупна економска штета, околу 110 милијарди евра за 41 година, според еколошката агенција NatCatSERVICE.
Штетите во Италија се околу 75 милијарди и во Франција околу 71 милијарда евра.
Во Хрватска временските и климатските непогоди од 1980 до 2020 година предизвикале економска штета од околу 3,2 милијарди евра, според NatCatSERVICE, со осигурена сума од само 76 милиони евра.
Слична штета претрпе и Норвешка, но со многу повисока осигурена сума од 1,79 милијарди евра.
Најголема загуба по глава на жител е забележана во Швајцарија, од 2.224 евра, покажуваат податоците на CATDAT, кои агенцијата ги користела како извор.
Екстремните временски и климатски настани однесоа 85.000 до 145.000 животи во Европската економска област помеѓу 1980 и 2020 година, според CATDAT и NatCatSERVICE.
Најголем број на смртни случаи се предизвикани од топлотен удар, дури 85 отсто, а особено тежок е забележан во 2003 година.
Најголем број луѓе починале во Франција, 26.775, според CATDAT. NatCatSERVICE наведува дека биле погодени 23.693 лица.
