Во пукањето во градинката во Русија убиени се петгодишно момче, шестгодишно девојче и една воспитувачка. Како што утврдила полицијата, пукањето го извршил 26-годишниот Руслан Ахтјамов, кој потоа се самоубил, пишува Челнинские Известија.
Тој е сосед на 67-годишниот Александар Дронин, на кого било регистрирано оружјето. Неговото тело е пронајдено во близина на селото Вескајма.
Според прелиминарната верзија, Ахтјамов прво го убил Александар и му го зел оружјето. Потоа отишол во градинката каде смртно ја застрелал воспитувачката и уште две деца, по што се самоубил.
⚡ Лайф публикует список погибших в результате стрельбы в детсаду под Ульяновском: https://t.co/ct7YHegvL6 pic.twitter.com/rURkhGomTa
— lifenews_ru (@lifenews_ru) April 26, 2022
Ахтјамов од 2013 година е пријавен во душевна болница и боледувал од растројство на личноста, а неговиот татко го идентификувал. Тој живеел на истата улица каде што се наоѓала градинката. Таткото на Руслан потврдил дека често одел со Дронин да пука во каменолом и дека немал врска со градинката.
Установата немала обезбедување, а според првичните информации, напаѓачот на паузата дошол во градинката со пушка ИЗ-27. Полицијата на местото на настанот го утврдува мотивот за злосторството.