Монако, 6 март 2020 (МИА) – Офанзивниот фудбалер на Монако, Желсон Мартинс доби исклучително тешка казна. Португалскиот репрезентативец е осуден од француската федерација за период од 6 месеци за туркање судија во натпревар од Лига 1.
Ова се случи на 1 февруари годинава во поразот на Монако од Нимс со 1:3. Тогаш Мартинс остро реагираше кога судијата му покажа црвен картон на неговиот соиграч Бакајоко. Последователно, самиот Желсон беше избркан за неговата реакција, по што ги испушти нервите и го турна судијата.
Француската федерација го опиша ова како „брутална акција“ и му изрече тешка казна на неговиот клуб Монако.
Па така, Желсон Мартинс нема да игра повеќе во натпревари оваа сезона, што веројатно ќе има негативно влијание врз неговите шанси да стане дел од Португалија за ЕП 2020.
