Ирене Схаутен од Холандија, освои златен медал во Пекинг, со време на нов олимписки рекорд. Схаутен победи во брзо лизгање, во дисциплината 3.000 метри. Холанѓанката во целта влезе со резултат 3:56,93 минути. Претходниот рекорд беше во сопственост на Германката, Клаудија Пехштајн од Солт лејк сити во 2002 година.
Покрај Схаутен, место на победничкиот пиедестал обезбедија сребрената Франческа Лолобриџида од Италија (3:58,06) и бронзената Изабеле Вајдеман од Канада (3:58,64).
Претходната рекордерка, Клаудија Пехштајн, денес го запиша своето име во историјата на Зимските олимписки игри. Таа е првата жена која осум пати се натпреварувала на Зимските олимпијади.
Ваков подвиг во машка конкуренција има забележано легендарниот ски скокач од Јапонија, Норијаки Касаи.
49-годишната Пехштајн натпреварот го заврши на последното место.
The first #SpeedSkating #Gold medal of #Beijing2022 has been won by Irene Schouten of the Netherlands in the women’s 3000m.
An incredible way to start our time on the ice with an Olympic record!#StrongerTogether | @TeamNLtweets | @schoutenirene pic.twitter.com/e5QroICGBc
— Olympics (@Olympics) February 5, 2022
> Злато и олимписки рекорд за Схаутен, Пехштајн влезе во историјата на ЗОИ <
