Норвешкиот ас, Јоханес Тингнес Бо (28), освои уште еден златен медал на Зимските олимписки игри во Пекинг. Бо, претпладнево, триумфираше во бијатлонската трка на 15 километри масовен старт.
Бо е еден од хероите на 24.ЗОИ. Тој досега во Пекинг освои четири златни медали. Временските услови во кои се одржа трката, беа далеку од идеални, студеното време и силниот ветер им направија многу проблеми на бијатлонците.
Бо најдобро се снајде и покрај тоа што четири пати промаши на стрелиштето (дополнителни 600 метри трчање), тој беше недопирилив за конкурентите. Во целта влезе со резултат 38:14.4 минути.
Колку добро трчаше Бо покажува и разликата од 40 секунди, помеѓу него и освојувачот на сребрениот медал, Швеѓанецот Мартин Пансилуоми, кој на стрелиштето промаши два пати.
Бронзата ја освои сонародникот на Бо, 29-годишниот Ветле Сјаштанд Кристијансен. Кристијансен го освои вториот медал во Пекинг, беше член на златата норвешка штафета.
Инаку, Кристијансен го спречи Кентан Фијон-Мае да го освои шестиот медал на ЗОИ во Пекинг.
> Златен покер на Јоханес Тингнес Бо во Пекинг <
