Украинскиот претседател Володимир Зеленски денеска рече дека размислува за прекин на дипломатските односи со Русија, обвинувајќи ја за продолжување на воената агресија против Украина.
„Добив барање од Министерството за надворешни работи да го разгледаме прашањето за прекин на дипломатските односи меѓу Украина и Русија. Ќе го разгледам ова прашање веднаш, по нашата прес-конференција“, изјави Зеленски за новинарите по средбата со неговиот естонски колега.
Руското Министерство за надворешни работи, пак, соопшти дека не сака да ги прекине врските со Украина.
