Претседателот на Украина, Володимир Зеленски денеска ги повика градоначалниците на американските градови да ги прекинат збратимувањето со руските градови.
Зборувајќи преку видео-врска на конференција, Зеленски рече дека некои од најсмртоносните ракети користени од руската армија во Украина се направени во Екатеринбург, кој, како што наведе, е збратимен град со американскиот град Сан Хозе, пренесе Интерфакс.
Володимир Зеленски ги повика градоначалниците на американските градови да се приклучат на обновата на Украина.