Тетово, 4 јуни 2020 (МИА) – Здравствениот дом Тетово доби опрема за здравствени третмани и немедицински материјали за нега на пациенти како донација од ланецот маркети Киппер и хуманитарната асоцијација Дора. Помошта ќе се користи во стоматолошка превентивна служба за деца до 14 години.
-Здравствениот дом Тетово опфаќа уште пет општини и е втор најголем здравствен дом во земјава и затоа е важна ваквата помош со донацијата, рече Борислав Јоргаќиески, директор на Здравствен дом Тетово.
Јавната здравствена установа доби опрема за здравствени третмани насочени кон унапредување на функциите и услугите што ги нудат овие здравствени установи (2 стерилизатори, 1 стоматолошки компресор, 4 фрижидери и 1 хидрофор) како и основна санитарна и немедицинска опрема за нега на пациенти (вкупен број 1800: ќебиња, ќебиња, навлаки, чаршафи, перници, пешкири, идр.)
–Киппер Mаркет изразува најискрена благодарност до сите здравствени работници кои во ова тешко време за сите нас стојат јаки во првата линијата на фронтот против нашиот заеднички и невидлив непријател КОВИД19. Следејќи ги нашите активности што се дел од планот за општествена одговорност на компанијата и во соработка со Хуманитарната Aсоцијација ДОРА, имаме чест и задоволство да го претставиме следниот проект, имено донацијата направена во во Тетово и Гостивар, истакнаа од Киппер маркети.
Вредноста на донацијата е во висина од 230 илјади денари.ас/бт/
