Зголемен е водостојот на поголем дел од реките во државата во однос на вчера, покажуваат најновите мерења на Управата за хидрометеоролошки работи.
Според пофдатоци од таму, за 18 сантиметри е зголемено нивото на реката Вардар кај Демир Капија, а за 10 сантиметри кај Велес. Исклучок за Вардар е мерното место кај Јегуновце каде за шест сантиметри е намалено нивото во однос на вчера.
За 10 сантиметри е повисок водостојот и на реката Струмица кај Ново Село, за шест сантиметри на Брегалница кај Берово и за пет сантиметри на Пчиња кај Катлановска Бања.
