Утрински Весник
Македонија

За продолжениот викенд топло време со температури и над 30 степени

За продолжениот викенд топло време со температури и над 30 степени

Времето денеска ќе биде сончево и топло со мала до умерена облачност. Ќе дува слаб до умерен ветер во западните делови од југозападен, а во источните од југоисточен правец, информира УХМР.

Попладне ќе има изолирана појава на краткотраен пороен дожд и грмежи, претежно во планиските подрачја. Минималната температура ќе биде во интервал од 4 до 11, а максималната ќе достигне од 22 до 28 степени.

Во Скопје, сончево и топло со мала до умерена облачност и слаб до умерен ветер од јужен правец. Минималната температура ќе се спушти до 8, а максималната ќе достигне до 26 степени.

До понеделник под влијание на топла воздушна маса и јужно воздушно струење ќе има значителен пораст на температурите кои на места ќе бидат и над 30 степени. Во ноќта кон недела во западните делови ќе има услови за локален дожд.

Можете да прочитате

Изгласани измените на Законот за возила, се олеснува процесот на регистрирање

Вицепремиерот Изет Меџити ја посети Медресата „Иса Бег” во Скопје

Еден уапсен еден во бегство за убиството во Батинци