Осум горили во зоолошката градина во Сан Диего целосно закрепнале откако биле позитивни на Ковид-19 минатиот месец, соопштија од зоолошката градина.
Горилите се заразиле и покрај фактот дека членовите на тимот што се грижел за нив ги следеле сите препорачани мерки на претпазливост, пренесува „Си-ен-ен“.
Сите осум горили биле во изолација по дијагностицирањето, а некои од нив имале лесна кашлица, гушење и секрет од носот. Претставниците на зоолошката градина веруваат дека горилите оздравеле благодарение на добрата ветеринарна нега и соработка со голем број колеги и партнери.
Зоолошката градина во Сан Диего соопшти дека ќе споделува податоци за состојбата на горилите додека биле заразени, надевајќи се дека тоа ќе обезбеди важни информации во научното разбирање на коронавирусот и неговото дејство врз големите мајмуни
