Службите на ЈП „Охридски комуналец“ извршија вонреден третман на деловите од депонијата „Буково“, кои деновиве повторно беа запалени.
Беа ангажирани неколку возила и цистерна за теренот да биде третиран со специјално биолошко средство-органска алга, а ситуацијата е веќе ставена под контрола.
Органската алга е произведена на природна основа, на база на екстракт од два вида на морски алги. Таа го оневозможува самозапалувањето на метанот што настанува како резултат на распаѓањето на органски материи во отпадот на депонијата, информираат од ЈП „Охридски комуналец“.
