Утрински Весник
Македонија

Заев: Упатувам силна осуда за агресијата врз Украина

Заев: Упатувам силна осуда за агресијата врз Украина

Поранешниот премиер Зоран Заев попладнево преку социјалните мрежи ја осуди агресијата врз Украина и упати поддршка до раководството на земјата.

„Овие денови секој момент го живееме со украинскиот народ. Даваме поддршка, сочувствуваме, ја споделуваме нивната болка и нивната храброст.

Тие се нашите херои, а ние нивните поддржувачи.

Упатувам силна осуда на агресијата која деновиве се спроведува врз суверената Украина и во исто време упатувам уште посилна поддршка до раководството на земјата и до целиот украински народ за да опстојат и за да си ја одбранат татковината“, се посочува во објавата на Заев.

Како што вели тој, Северна Македонија, НАТО, ЕУ и целиот демократски свет, стојат исправено на страната на мирот, дијалогот и безбедноста, наспроти опасните воени и нецивилизациски агресори.

Можете да прочитате

Сончево со температура до 38 степени, во северните делови услови за дожд, од утре посвежо време

Македонски државјанин инволвирана во случај за тероризам во Швајцарија

Македонец и Албанец осудени за брутално убиство во Малта – едниот со 40 години, другиот доживотно