Скопје, 5 мај 2020
Претседателот на СДСМ Зоран Заев, денеска оствари проштална средба амбасадорот на Сојузна Република Германија во Северна Македонија, Томас Герберих.
На средбата. претседателот Заев истакна дека е голема чест тоа што го имавме господинот Герберих за амбасадор на нашиот голем пријател и партнер Германија во изминатите три години. Токму во тие три години Северна Македонија постигна голем напредок на сите полиња и достигна значајни успеси кои ја променија сликата за државата и во државата.
– По само три години од доаѓањето на власт на СДСМ државата стана 30та членка на НАТО и доби одлука за почеток на преговорите за членство во Европската унија после 15 години во чекалната. Во овие три години се забележа видлив раст во економијата, видливо подобрување на заштитата на слободите и правата на граѓаните, подобрување во судството и во борбата против корупцијата, решавање на долгогодишни спорови со соседите во интерес на сите. Во изминативе три години направивме многу, но свесни сме дека имаме уште многу напорна работа пред нас. Сепак, со пријатели како Германија сигурни сме дека ќе успееме во нашиот пат кон развој, напредок и членство во Европската унија, порача Заев
Доказ за нашето цврсто пријателство во изминативе години беше и посетата на канцеларката Ангела Меркел на Скопје во септември 2018 година како и неколкуте посети на претседателот Заев во Берлин на покана на канцеларката.
Претседателот Заев се заблагодари на личниот ангажман на амбасадорот Герберих за сите овие успеси додавајќи дека нашиот народ многу ја цени сета помош што Германија постојано ја пружа на нашата држава, а особено затоа што помошта несебично продолжува и во денешните тешки услови, во услови на пандемија на вирусот КОВИД-19.
Од страна на претседателот Заев беше потенцирана можноста за уште поголема соработка на Северна Македонија и Германија во економијата и отворање на уште повеќе можности за инвестирање на германските компании во нашата земја.
Центар за комуникации со јавност на СДСМ
_____________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
