Скопје, 19 март 2020
Жито Лукс денес во Организацијата на Црвениот крст донираше леб за социјално загрозени лица и семејства, како директна помош на најранливите категории граѓани во новонастанатата состојба во земјава.
„Во услови на голема криза со која се соочува државата врзана за пандемијата од корона вирусот, сметавме дека како општествено одговорна компанија треба да помогнеме на оние категории граѓани кои имаат потреба од основни прехранбени производи. Донацијата ја реализираме преку Организацијата на Црвениот крст бидејќи истата располага со податоци и најдобро знае на кои лица или семејства им е потребна ваква помош“, велат од Жито Лукс.
Компанијата и претходно има остварено соработка со Црвениот крст и донирано свои производи кои волонтерите на Организацијата ги распоредуваа таму каде што е најпотребно.
Жито Лукс
___________________________________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
