Жителите на Донбас изјавија дека ситуацијата во тој украински регион е застрашувачка по руската воена акција во Украина.
Аркадиј, жител на градот Краматорск, рече дека се надева оти ситуацијата наскоро ќе се подобри.
Иако слушал повремени експлозии, заминал на работа.
Пред банкоматите чекаат голем број луѓе во редици за да подигнат пари, додека звуците на борбените авиони одекнуваат на небото.
Во меѓувреме, украинските власти ги повикаа граѓаните да останат дома и да не паничат.
Министерството за внатрешни работи на Украина соопшти дека руската инвазија започнала со ракетни напади во градот Киев.
Украинскиот претседател Володимир Зеленски рано утринава прогласи воена состојба во земјата.
Рускиот претседател Владимир Путин објави дека наредил специјална воена операција во регионот на Донбас по неколкунеделното акумулирање на војници на украинските граници.
