Париз, 2 мај 2020 (МИА) – Поранешниот тренер на Пари Сен-Жермен, Унаи Емери ги сподели своите впечатоци за работа со Нејмар. Бразилецот се приклучи на парискиот клуб во 2017 година од Барселона за рекордни 222 милиони евра.
– Имав неверојатна година со него. Научив многу од начинот на кој тој работеше на секоја тренинг сесија и на секој натпревар. Нејмар е многу талентиран и ги има потребните квалитети за да го отелотвори овој талент. Мислам дека е во состојба да го земе диригенството од Меси и Роналдо и да стане најдобриот играч на светот. Тој има време да го стори тоа, вели Емери во изјава за „АС“.
Емери го предводеше ПСЖ од 2016 до 2018 година. зс/
