Ема Робертс официјално е мајка! Актерката го роди своето прво дете со своето момче Гарет Хедлунд.
Робертс се породила во неделата во Лос Анџелес, пренесува „Ентертејнмент тунајт“.
Веста дека 29-годишната Робертс е бремена одекна во таблоидите во јуни, но таа ја потврди својата бременост дури два месеци подоцна. Во август на својот Инстаграм објави фотографија на која се гледа трудничкиот стомак и откри дека таа и Хедлунд чекаат машко бебе.
Ѕвездата на серијалот „Американска хорор приказна“ и нејзиниот 36-годишен партнер, актерот Гарет Хедлунд, се во врска од март 2019 година, кога беа забележани заедно непосредно откако таа ја прекина свршувачката со Еван Питерс.
