Меѓународниот нафтовод Дружба експлодираше во петокот во Луганск, град во источна Украина контролиран од проруските сепаратисти, објави руската новинска агенција Риа Новости.
Риа објави и снимка на која се гледа како пожар го осветлува небото ноќе, додавајќи дека експлозијата на нафтоводот Дружба го потресе Луганск.
Не е позната причината за експлозијата, која се случи во моменти на голема тензија меѓу Русија и Западот во однос на Украина и заканата од ескалација на кризата во таа земја.
Патем, нафтоводот Дружба ја поврзува Русија со голем број поранешни советски сателити во Источна и Централна Европа.
Интересно е што руските медиуми ја пренесоа веста за експлозијата на нафтоводот во Луганск, велејќи дека дошло до експлозија бидејќи нафтоводот бил погоден од украински војници.
#Russia‘s state media immediately (and baselessly) placed the blame for the gas pipeline explosion in Luhansk, Ukraine upon the Ukrainian military. pic.twitter.com/MYqfzLvuIj
— Julia Davis (@JuliaDavisNews) February 18, 2022
