Медицинската и стручната јавност предупредува на неселективно користење на витамински додатоци во услови на пандемија од коронавирусот.
За само неколку месеци, научниците се префрлија од предупредувањето за недостаток на витаминот Д кај населението во предупредување за злоупотреба и неселективна употреба на додатоци кои се нудат за подобрување на имунитетот, пишува шпанскиот весник „Паис“.
„Потребите за витамин Д може да варираат од личност до личност, така што нема единствено ниво на концентрација на 25-хидроксивитамин Д што го дефинира дефицитот и нема усогласеност за точното ниво на витамин Д што претставува оптимално здравје“, стои во изјавата на тим од експерти од Северна Америка.
Научниците од американскиот национален институт за здравство предупредуваат дека преголемите концентрации на витамин Д во крвта се скоро секогаш последица на неговата прекумерно конзумирање преку додатоци во исхраната и дека тие можат да предизвикаат откажување на бубрезите и аритмија, и на крајот смрт.
Употребата на премногу хранливи додатоци како што се витамините, дури и оние неутрални како вода, може да има штетни последици по здравјето на луѓето, велат научниците.
