Австралија речиси две години по затворањето на границите, утре за првпат ќе пречека меѓународни туристи, потпирајќи се на високата стапка на вакцинација против коронавирусот.
Отворањето на Австралија за туристите е најјасен показател за напуштање на строгиот пристап во борбата против пандемијата и заложбата за коегзистирање со вирусот со помош на вакцинација, со цел да се намали смртноста и бројот на сериозни случаи на болеста.
Најголем број од 2,7 милиони случаи на заразени со коронавирус во земјава е забележан со пристигнувањето на варијантата омикрон на крајот на ноември минатата година.
Сепак, со една од највисоките стапки на вакцинација во светот – повеќе од 94 проценти од луѓето на возраст над 16 години – се пријавени нешто помалку од 5.000 смртни случаи, што е само мало делче од стапката на смртност во многу други развиени земји.
Поради острите мерки во Австралија, светскиот тениски ас Новак Ѓоковиќ доби забрана за престој во земјата, па беше депортиран, поради што не можеше да ја одбрани титулата на Австралија Опен.
