Утрински Весник
Македонија

Еден загинат и седуммина повредени во сообраќајката кон Стража

Еден загинат и седуммина повредени во сообраќајката кон Стража

Во сообраќајката која попладнево се случила на патот кон Стража едно лице починало на местото на несреќата, а седуммина повредени се пренесени во болницата во Гостивар, соопшти МВР. Во прекин е сообраќајот во двете насоки.

„Денеска околу 15 часот и 30 минути во СВР Тетово е пријавено дека на магистралниот пат Гостивар-Кичево, во близина на новоселските гробишта, се случила сообраќајна несреќа во која учествувале три моторни возила: џип ’мерцедес’, патничко возило ’бмв’ и камионет. Едно лице од камионетот починало на местото на несреќата, а седум лица, првично, се пренесени во гостиварската Општа болница ’Ферид Мурад’ за укажување лекарска помош“, велат од МВР.

Сообраќајот се уше е во прекин оти јавен обвинител и екипа од ОВР Гостивар вршат увид. На местото на несреќата веќе се формирани долги колоно возила во двата правци.

Можете да прочитате

ОЈО бара снимки за националистичките скандирања во Куманово

Мицкоски утре на поставување камен темелник на спортска сала во Воената академија

Нови пожари низ Македонија, гори кај Ваксинце, Богомила, Милетино и Церово