Европа може да постигне колективен имунитет до 14 јули, изјави европскиот комесар за внатрешен пазар Тиери Бретон, нагласувајќи го очекуваното зголемување на испораките на вакцини.
„Да земеме симболичен датум, на 14 јули имаме можност да постигнеме имунитет на континентално ниво“, рече тој на францускиот канал ТФ1. „Знаеме дека постои само едно решение за да се победи оваа пандемија, а тоа е вакцинацијата. Доаѓаат вакцини“, рече тој.
„Меѓу 300 и 350 милиони вакцини ќе бидат доставени од март до јуни“, рече тој.
Комесарот на ЕУ, Бретон, рече дека испораките на вакцини во Европа се очекува да се зголемат со 60 милиони дози испорачани во март, 100 милиони во април, 120 милиони во мај итн.
Тој рече дека 55 фабрики во Европа сега ја произведуваат вакцината.
