Утрински Весник
Свет

Европската комисија обезбедува 200 милиони евра за украинските бегалци и раселените лица

На меѓународната донаторска конференција во Варшава Европската комисија објави пакет помош од 200 милиони евра за украинските бегалци и раселени лица.

„Денес се собравме со јасна цел: да го поддржиме храбриот украински народ, кој се бори против агресорите и за својата слобода“, рече претседателката на Комисијата, Урсула фон дер Лајен.

Таа вети 200 милиони евра помош во име на Комисијата.

Минатиот месец, на донаторската конференција за Украинците внатре и надвор од земјата, ветената помош достигна 9,1 милијарди евра.

„Знаеме дека ќе биде потребно повеќе и ќе продолжиме да ѝ помагаме на Украина“, додаде таа.

Околу осум милиони луѓе, од кои две третини се деца, се раселија во Украина од почетокот на војната, а повеќе од 5,3 милиони Украинци најдоа засолниште во ЕУ и соседните земји.

Можете да прочитате

Орбан: За мир во Украина потребна е средба меѓу Путин и Трамп

Амнести Интернешнл: Израелскиот предлог за „хуманитарен град“ е намера за воени злосторства

Нојман: Употребата на дронови во војната во Украина „не е пример“ за воздушните способности на НАТО