Екстремно десничарските Евреи во Ерусалим се облекуваат како муслимани за да влезат и да се молат на свето место во џамијата Ал Акса, каде што им е забрането да се молат.
Откако Израел го зазеде и окупираше Источен Ерусалим во 1967 година, остана деликатно статус кво за немуслиманите – Евреите можат да го посетат комплексот, но не смеат таму да се молат, пишува Би-Би-Си.
Екстремно десничарската група на Евреите „Враќање на планината“, предводена од израелскиот еврејски активист Рафаел Морис, се залага за суверенитет на Евреите на Ридот на храмот, кој на муслиманите им е познат како Харам ал-Шариф, објави Би-Би-Си.
Харам ал Шариф е третото најсвето место за Евреите и третото најсвето светилиште во исламот. Тоа е емотивниот епицентар на израелско-палестинскиот конфликт, а тензиите таму ја поттикнаа 11-дневната војна во Газа во мај 2021 година.
Членовите се маскираат како муслимани за да влезат во Ридот на храмот во стариот град Ерусалим, каде што тивко ги читаат еврејските молитви додека се преправаат дека учествуваат во исламското богослужење, пренесува „Тајмс оф Израел“.
Постојана е загриженоста меѓу безбедносните службеници и тие предупредуваат дека овие акции на групата може да предизвикаат насилство во светото место.
Во 2015 година, групата „Враќање на планината“ им понуди на Евреите 500 долари за да одат и да се молат на Ридот на храмот.
