Делови од северозападен Сиднеј се евакуирани поради предупредувања за поплави предизвикани од обилните дождови.
Предупредувањата за поплави се на сила во најмалку 12 области на Нов Јужен Велс, најнаселената австралиска држава со осум милиони луѓе.
Властите наредија евакуација за сите во низинските подрачја.
Обилните дождови ќе продолжат и следната недела, а според метеоролозите делови од Сиднеј и околината може да имаат до 200 милиметри врнежи од дожд.
